Berat Gjimshiti, futbollisti shqiptar që luan për ngjyrat e Atalantës dhe përfaqësues sonë, ka përgënjeshtruar zërat për një lidhje të mundshme me modelen superseksi Afërdita Dreshaj. Ai është shprehur i irrituar, në lidhje me situatën, pasi sipas tij diçka e pamenduar mirë, mund të lëndojë çdo njeri. Aludimet kanë qenë të shumta, aq sa disa media e bënë fakt të kryer të dashurën e re të Gjimshitit. Kundërpërgjigja e qendërmbrojtësit shqiptar ka qenë një foto që ka postuar në facebook me një dedikim për të: “Ndonjëherë njerëzit flasin budallallëqe dhe nuk e dinë sa mund t’i lëndojnë të tjerët me këtë. E vetmja femër për mua je ti”, – përfundon Gjimshiti.
