Aplikimi i sistemit VAR në botën e futbollit është mbështetur, diskutuar dhe kontestuar nga shumë njerëz të futbollit.
Por tani, ajo do të debutojë në një nga garat më të mëdha të klubit të futbollit: Ligën e Kampionëve. VAR do të futet në fazën e 1/8-ave të turneut, ndërsa UEFA pretendon se është e rëndësishme që arbitri të marrë vendimin përfundimtar për çdo incident.
“Sistemi nuk është i përsosur. Ai duhet të ndërhyjë kur gabimi është i qartë, ose kur ka pasur një incident serioz që prek një lëvizje vendimtare. Ne do t’i kërkojmë arbitrit të vendosë duke e parë ngjarjen në ekran.Nëse VAR do të përdoret, arbitri duhet gjithmonë të marrë vendimin përfundimtar,” tha udhëheqësi i UEFA-s, Roberto Rosetti.
Liga e Kampionëve do të jetë kompeticioni i radhës që do të “përqafojë” teknologjinë, e cila më parë u përdor edhe në Kupën e Botës, Rusi 2018.