Edhe pse u përfol se kishte gjetur skuadër të re, Ajeti ka mbetur pa ekip në këtë fillim sezoni të ri. Kur mendohej se ai do të firmoste me Perugian, akordi u prish në fund. Por qendërmbrojtësi i Kombëtares sonë i ka mbyllur njëherë e përgjithmonë kontaktet me Torinon duke parë që nuk mund të gjente hapësirë te "Granatat". Por së fundmi mësohet se ekipi i njohur italian i Napolit ka përfshirë në plane e tij futbollistin 24-vjeçar. Në momentin kur mbrojtësi rumun i "të kaltërve" Vlad Chiriches ka këputur ligamentet ekziston mundësia që ai të aktivizohet përkohësisht me skuadrën e Ancelottit. Por për të fituar aprovimin e teknikut italian, emri i Ajetit duhet të kryesojë mbi emrat rivalë të Florentin Pogban, Diego Polentan, Sebastian Basong dhe Serdar Tasci. Duket një garë gati e humbur, por fjalën e fundit do ta thotë vetë ish-trajneri legjendar i Milanit dhe Realit Madridit.
Lexo gjithashtu
