Nurudeen Orelesi është një nga futbollistët më të mirë të kampionati shqiptar. Që prej 8 vitesh ai është stabilizuar si njëri prej futbollistëve më të dalluar të futbollit tonë duke fituar shumë tituj me Skënderbeun.
Këtë sezon ai mban veshur fanelën e Kamzës. Por nëse në rolin e lojtarit ai ka merita të padiskutueshme, 29-vjeçari nigerian ka dhe një anë të errët në jetën e tij. Ish-gruaja e tij e Oluëayemisi Cole ka rrëfyer në llogarinë e saj në "Facebook" se ka vuajtur shumë prej injorimit dhe që mesfushori nigerian i ka bërë asaj dhe fëmijës së tyre. Ajo tregon ndër tjera se ka kaluar një periudhë shumë të vështirë në jetë që kur Orelesi u transferua në Shqipëri.
Sipas saj, Orelesi ka harruar familjen dhe për shkak të depresionit ka tentuar dhe vetëvrasjen.
"Shtator për tu kujtuar. Në këtë datë, 3 vite më parë u martova me një fëmijë të rritur.
I njëjti muaj, 9 vite më parë, mamaja ime u shtrua në spital dhe unë vrapoja pas të dashurit tim i cili ishte me kombëtaren U-20. Ai shkoi me kombëtaren ndërsa unë humba mamanë time, në të njëjtin muaj. Unë shkova për ta ndjekur në Venezuelë. Mbaj mend sesi mamaja e tij më adhuronte dhe më falenderonte për atë që po bëja për djalin e saj. Pasi fitoi një kontratë profesioniste dhe filloi të luante në Europë, ajo filloi të më trajtonte si një të huaj dhe unë pyesja veten nëse ajo ishte e njëjta që më parë më falenderonte.
Fillova t'i njoh mirë gjërat, kur djali i saj filloi të fitonte bukën vetë, kam parë djallin. E pashë veten në rrugë me 1 fëmijë më pak se 1 vjeç. Pas disa muaj, djali i saj më dërgoi para për të marrë një apartament me qera. Ai interesohej për djalin e tij duke pyetur të afërm e jo mua. Isha afër vetvrasjes, por falë Zotit nuk e bëra. Çfarëdo që do të ndodh në jetë duhet të dini se ajo vazhdon. "
Lexo gjithashtu
