Dhuna në futbollin mashkullor është një fenomen që publiku është mësuar tashmë. Pavarësisht kritikave dhe dënimeve, duket shumë e vështirë që një gjë e tillë të frenohet.
Por episode e shëmtuara të dhunës vijnë dhe nga futbolli i femrave. Në Argjentinë, gjatë një ndeshje futbolli midis ekipeve të Universitarios dhe Libertad konflikti nisi kur arbitri dha penallti për Universitarion. Lojtaret e Libertad po debatonin me njërin prej anëtarëve të stafit teknik të Universitarios dhe në këtë moment ka nisur sherri. Futbollistet e Libertad shtrinë në fushë 4 lojtare kundërshtare dhe filluan t'i godisnin me shkelma. Arbitri qëndroi në vend duke parë pamjet skandaloze.
Pas kësaj ngjarjeje, presidenti i ligës së futbollit të femrave në Argjentinë Emeterio Farias deklaroi se do të merren masat më të ashpra kundrejt agresoreve. Dhuna është një problem i përhershëm në futbollin e Amerikës Latine dhe thuajse në çdo takim thirret dhe prezenca e forcave policore dhe ushtarake.
https://youtu.be/EMoJSJar3MY
Lexo gjithashtu
