Benfica barazoi dje 0-0 me Barcelonën në Camp Nou për grupet e Champions League. Shqiponjat e Portugalisë kishin të gjitha shanset për të kaluar në renditje katalanasit, teksa në minutën e 93 të takimit, Haris Seferovic bëri gafën më të madhe në karrierë.
Me portën e boshatisur, zvicerani i Benficës e ka goditur topin jashtë. Aq e keqe ishte goditja, sa edhe trajneri Jorge Jesus është shtrirë në tokë duke mos I besuar syve. 29 vjeçari Seferovic ishte vetëm 10 metra nga porta, me gjuajtjen që doli jashtë.
“Unë kam qenë trajner për 30 vjet dhe nuk kam parë diçka të tillë në jetën time, por fatkeqësisht më ka ndodhur mua dhe Benfica-s sot”, tha Jesus i tërbuar.
Loading ...
