E mundi në “derbin kuqezi”, Memushaj përgëzon Ajetin, por ngatërron një detaj të rëndësishëm: Urime për dy golat e shënuar Arlind

Arlind Ajeti doli fitues në duelin me Ledian Memushajn në sfidën e sotme në Serinë A mes Torinos dhe Peskarës.

Torino fitoi 5-3 dhe Ajeti shënoi golin e dytë për skuadrën e tij, ndërsa realizoi edhe një autogol duke hapur siparin e golave për Peskarën.

Pas ndeshjes, Memushaj ka përgëzuar shokun e skuadrës së Kombëtares për fitoren dhe paraqitjen e tij në fushë, por duket se ka ngatërruar faktin që Ajetit iu llogarit vetëm një gol, pasi tjetri ishte autogol.

“Rezultat jo i mirë, por dhamë maksimumin. Përgëzoj Arlind Ajetin për 2 golat e shënuar. Do mundohemi të rikthehemi në ndeshjet e tjera. #ForzaPescara”, shkruante Memushaj.