Milani arriti të kualifikohej më shumë vështirësi ndaj Crvena Zvezdës. Kuqezinjtë barazuan në “San Siro”, 1-1, por falë barazimit 2-2 në ndeshjen e parë arritën që të kalonin në fazën e 1/8 të Europa League. Në fund të ndeshjes për “Sky Sport”, trajner i Milanit, Stefano Pioli e pranon që skuadra nuk është në momente të mira, ndërsa ka zbuluar se Europa League është objektivi I tyre për këtë sezon.
“Ekipi është i ri por është i pjekur mendërisht. Ne nuk jemi në momentin tonë më të mirë, është e qartë, shumë fitore na kanë dhënë besim dhe tani diçka po dështon tani. Na vjen keq që nuk kemi menaxhuar avantazhin, mund të kishim menaxhuar më mirë, por ajo që vlen është kalimi i raundit që e meritojmë.
Nëse mendojmë për sezonin, gota është plot pozitivitet. Liga e Evropës është objektivi ynë , ne bëjmë disa gabime shumë, por për ne ky është një moment vendimtar si për kupën ashtu edhe për kampionatin. Sonte mund ta kishim mbyllur ndeshjen, por ka pasur mundësi shënimi dhe kundërshtari, edhe pse me 10 lojtarë, mund të hapnin probleme. Ekipi nuk është i lodhur fizikisht, më shumë mendërisht mbase duhet shumë pak për të ulur nivelin e cilësisë dhe vëmendjes.
Unë inkurajoj dhe motivoj lojtarët që të zhvillojnë lojën tonë në mënyrën më të mirë të mundshme, kur ka gjëra për të thënë ne i themi ato. Ne duhet t’i kalojmë këto vështirësi për t’u bërë edhe më të fortë.. Duhet të kthehemi për të dominuar ndeshjet për t’i bërë ato në mënyrën tonë dhe për të vuajtur më pak”, përfundoi Pioli.
Loading ...
