Arbër Çyrbja ishte një largimet e Egnatias gjatë kësaj merkato janari. Mesfushori firmosi me skuadrën rrogozhinase gjatë verës, por aventura e tij zgjati vetëm 6 muaj. 28-vjeçari nuk ka humbur kohë dhe ka gjetur ekipin e ri, por ka suprizuar duke firmosur me Erzenin në Kategorinë e Parë.
Çyrbja gjatë gjithë karrierës së tij ka luajtur në Superligën shqiptare si dhe në Kosovë, ndërsa tani do të provojë për herë të parë një aventurë në Kategorinë e Parë. Erzeni që drejtohet nga Nevil Dede ka objektiv madhor për t’u ngjitur në Superligë sezonin tjetër dhe pas 15 javësh renditet në vendin e 2-të me 35 pikë, 3 pikë më pak se Bylisi kryesues.
Loading ...
