Rei Manaj do jetë lojtari më i ri i Watford. Gjithçka ka ndodhur në mënyrë të papritur ditën e sotme, pasi ishte përfolur për transferimin e tij te Getafe.
Barcelona ka vendosur ta çojë lojtarin në Angli, pikërisht në Championship ku do luajë Watford sezonin e ardhshëm. Është rënë dakord që Manaj të jetë në huazim vitin e fundit të kontratës, me klubin anglez që i duhet të paguajë më pas nëse kërkon ta mbajë në ekip.
Lushnjari kështu do nisë aventurë të re, pasi mbylli atë në Seria A me Spezia. 2.7 milionë euro të kërkuara nga katalanasit për shitjen e kartonit të tij, ishin të papërballueshme për Spezian, e cila pavarësisht dëshirës vendosi të mos futej në tratativa.
Loading ...
