Vllaznia-Kukësi ishte supersfida e ditës së sotme në Superligë e cila u mbyll me rezultatin 2-4. Shkodranët pësuan humbjen e parë të sezonit, ndërsa Kukësi mori fitoren e dytë radhazi. Në fund të ndeshjes për "Supersport", zv.trajneri i Kukësit, Rrahman Hallaçi u shpreh:
"Kemi ardhur në rritje, por e kemi thënë që kemi shumë kualitet në skuadër. Limaj, Taipi dhe Ibraimi kanë pasur probleme muskulare dhe shpresoj që mos të kenë asgjë serioze. E kishim studiuar mjaft Vllazninë dhe arritëm të fitonim. I kisha thën skuadrës që edhe po të pësonim golin duhet të reagonim. Kukësi bind dhe bën shumë mirë e nëse vazhdojmë kështu do të jetë më mirë për ne. Kemi fituar disa lojtarë të rinj dhe ishte një ndeshje që tregoi shumë gjëra".
Biseda me Gegën? "Flasim vazhdimisht me Gegën pasi është ai trajneri ynë. Folëm edhe në pjesën e dytë dhe po punojmë e me stafin për të rritur harmoninë. Profesori është larg, por me zemër është këtu me ne. Pashë që Gega po ndiqte ndeshjen live.
E kemi parë mirë Vllazninë dhe kemi bllokuar Imeri I cili bëri vetëm një gjuajte në portë sot. Ezes I thamë që të bënte kujdes me Adilin, ndërsa kishim marrë masa edhe për Da Silva I cili nuk luajti sot".
Cili dëshiron të fitojë derbin e çfarë ndodh me Xhikën? "Është herët për parë si do dalet Partizani-Tirana e ne duhet të mendojmë për skuadrën tonë.
Nuk kemi kohë për skuadrat e tjera pasi është ende herë. Kam folur me Xhikën edhe portierët e tjerë e u kam thënë që mund të luajnë të gjithë e të gjithë mund të rrijnë në stol. Xhika nuk është lënë në stol për lojë të keq dhe ia kemi thënë këtë gjë e ai na mirëkuptuar".
Lexo gjithashtu
