Erion Hoxhallari, është një lojtarët që ka luajtur më shumë minuta tek Tirana. Ai përdoret nga trajneri Mema në shumë pozicione në mbrojtje duke u sakrifikuar për ekipin. Kjo sakrificë e ka bërë që të gabojë në disa raste si në derbin me Partizanin.
Në një prononcim për "Rtsh-Sport", Hoxhallari ka vënë në fokus objektivin e skuadrës që është largimi nga zona e ftohtë e renditjes.
"Trajneri vendos se ku do të luajë unë dhe unë i përgjigjem. Jam i gatshëm të bëj çdo gjë nëse ma kërkon trajneri. Duhet më shumë përqendrim nga reparti i prapavijës. Do ta fillojmë gjysmën e dytë të sezonit duke menduar rënien nga kategoria. Duhet të largohemi nga ajo zonë në renditje ku jemi dhe më pas do të shohim për më lart. Nga ndeshja në ndeshje, do të vijë dhe forma e mirë e ekipit".
Lexo gjithashtu
