Gjashtë vite skualifikim nga futbolli, 20 mijë euro gjobë për Armando Izo, shtatë pikë penalizim dhe 145 mijë euro gjobë për Avelinon.
Këto janë masat penalizuese që ka kërkuar prokuroria e "Federcalcio" për futbollistin italian dhe për klubin e Serisë B, në Gjykatën e Federatës së Futbollit Italian.
Penalizime këto të kërkuara pas hetimit për trukim rezultatesh në ndeshjet Modena-Avelino (17 maj 2014) dhe Avelino-Rexhina (25 maj 2014).
Vetë qendërmbrojtësi, i cili aktualisht aktivizohet ne Xhenoan në Serinë A, pasi është njohur me masat penalizuese që ka kërkuar prokuroria e "Federcalcio" është shprehur: "Nuk e prisja. E vërteta do të dalë në shesh shumë shpejt. Po përjetoj një makth.
Ia kam lënë gjithçka në dorë avokatit tim. Do të bëj të pamundurën për të dalë nga ky makth. Kam frikë se mos humbas gjithçka, Kombëtaren dhe fëmijët e mi. Me trajnerin e Italisë kam folur dhe jam sqaruar për 10 minuta. Të gjithë më kanë qëndruar pranë", deklaroi qendërmbrojtësi 25-vjeçar.
[caption id="attachment_87401" align="alignnone" width="810"]
Armando Izo[/caption]
Lexo gjithashtu
