Merkato duket e nxehtë për lojtarët Shqiptarë. Poerieri I Kombëtares shqiptare, Gentian Selmani lidhet me një transferim të mundshëm te gjigantët turq të Fenerbahce. Lojtari sezonin e fundit e zhvilloi te Menemenspor në Ligën e Parë turke, duke u larguar falas nga Laçi.
Lajmin për interesimin e Fenerbahces e jep gazetari I TRK në Turqi, Yagiz Sabuncuogulu që shprehet se palët tanimë janë në negociata. Pritet që Menemenspor t’I vendosë çmimin lojtarit 22 vjeçar, që ishte një ndër më të mirët në sezonin që lamë pas.