Veç Derrick Sasrakut, te Tirana do të mbërrijnë edhe dy futbollistë të tjerë. Ashtu siç newsport.al njoftoi ditën e sotme, bardheblutë kanë arritur akordin me dy lojtarë të Kombëtares Shpresa të Ganës.
Lajmi tani bëhet i ditur nga menaxheri, Hektor Çomo, i cili ka publikuar foton e dy futbollistëve në rrjetet sociale. Menaxheri i klubit kryeqytetas ka zgjedhur një mesazh filozofik për të prezantuar dy afrimet e radhës. Ai thekson se do të ketë surpriza, teksa asgjë s’ka përfunduar këtu.
“Futbolli është një lojë me tru. Ti duhet të dish ku të vraposh dhe kur të vraposh. Pas çdo goditje të topit duhet të jetë një mendim. Vazhdon, s’ka mbaruar”.