Shkëlzen Gashi duket se po rikthehet në formën e tij më të mirë. Ish-sulmuesi i Kombëtares me kalimin te Aarau në ligën e parë të Zvicrës është rikthyer të jetë sërish protagonist.
Ditën e sotme skuadra e tij fitoi me rezultatin 3-1 ndaj Xamax dhe Gashi shënoi dy gola, por edhe asistoi te goli i 3-të që u shënua nga një tjetër shqiptar, Donat Rrudhani.
Me dy golat e sotëm, Gashi shkon në kuotën e 4 realizimeve në 6 javë kampionat.