Dy futbollistët e Vllaznisë marrin ftesë nga Kombëtarja, grumbullim në Durrës

Dy futbollistët e Akademisë së Vllaznisë, Enes Isufi dhe Senad Hysenaj kanë marrë ftesë nga Kombëtarja U-19.

Ata kanë nisur dje, grumbullimin në Durrës nën drejtimin e trajnerit Erjon Bogdani.

Të dy futbollistët e talentuar të Vllaznisë U-19 kanë rënë në sy me paraqitjet e tyre në këtë sezon dhe së fundmi, janë shpërblyer me grumbullimin në Kombëtare. Lajmin e ka konfirmuar edhe klubi i Vllaznisë përmes një postimi në faqen zyrtare në Facebook.