Emiljano Musta ishte një nga largimet e skuadrës së Kukësit në këtë fund sezoni. Ishte klubi verilindor që bëri me dije se mëngjërashi s’do të ishte më pjesë e tyre. Një aventurë e mbyllur në mënyrën më të keqe të mundshme, teksa ishte trajneri Diego Longo që vendosi që elbasanasi mos të ishte më pjesë e Kukësit.
29-vjeçari u transferua te verilindorët në merkaton e dimrit, pas një gjysmë-sezoni aspak pozitiv te Partizani. Në 9 muaj, Musta ndërroi dy ekipe. Nëse te Partizani e larguan për arsye taktike, te Kukësi për probleme disiplinore. Tashmë pritet me interes të mësohet se cila do të jetë e ardhmja e tij, teksa Kosova është një destinacion për elbasanasin.
Poll
Lexo gjithashtu
