Teuta është rikthyer sërish në stërvitje pas dy ditësh pushim. Stafi teknik vendosi që lojtarët pas një javë të ngarkuar fizikisht të bënin pushim në fundjavë.
Të gjithë lojtarët janë rikthyer ditën e sotme në drejtimin e trajnerit Edi Martini për të vijuar përgatitjet për sfidën e parë ndaj Laçit.
Gjendja e skuadrës siç raporton klubi në faqen zyrtare është mjaft e mirë dhe stërvitja e sotme ka qenë e tekniko-taktike.
Të mërkurën e datës 3 qershor është programuar sfida ndaj Laçit në transfertë, ndërsa klubet dhe FSHF-ja janë në pritje të miratimit nga ana e Qeverisë pasi deri më tani mungon ende leja për rifillimin e ndeshjeve.
