Ndeshja e parë, 6 gola dhe një Laç mjaft bindës. Kështu ishte sot kjo skuadër e Stavri Nicës që mposhti thellë Apoloninë.
Trajneri i cili sapo ka marrë në dorë drejtimin e kurbinasve u shpreh i kënaqur me atë që ekipi i tij dha në fushën e blertë. Në një prononcim për Supersport, tekniku i ri i bardhezinjve u shpreh:
"Naëbueze meriton që të shënojë, por më kryesorja skuadra reagoi. E ndjeu përgjegjësinë e ndeshjeve të tjera. I gjithë problemi është i luftës sportive. Nuk është se skuadra nuk ka cilësi, por ajo që duhet është shpirti i garës.
Ekipi? Unë u bëra 2 muaj këtu që stërvita U-11. Stërviteshim në të njëjtën kohë, në të njëjtën kohë. Pak a shumë kam komunikuar dhe bashkëpunuar me Cungun. Gjithë problemi ishte durimi, duhet të durosh dhe të impenjohesh për t'i marrë gjërat me radhë një nga një. Besoj se skuadra do të reagojë dhe do të hyjë në garë.
Teko? Duke njohur natyrën dhe nivelin e Kërçikut, isha i përgatitur për këtë zëvendësim. E njihja, ka nivel dhe e njeh kampionatin shqiptar. E kisha në mendje për ta futur sa më shpejt. Rezultoi se ishte një linjë e fortë bashkë me Markun.
E ardhmja? Unë isha pjesë e skuadrës. Ishte dhe është dëshira ime për të punuar me moshat. Megjithatë Pashku mendoi ta zgjidhim njëherë situatën në këtë formë. Ishalla shko për mirë. Unë jam i gatshëm ta ndihmoj, kam pasur vite që kam kontribuar. Kanë besim te unë që do t'i ndihmoj. Kështu shkojnë këto punë. Ta zgjidhim njëher si problem. Pastaj duke parë duke bërë. Mirë është të vijë një trajneri me më shumë energji. Edhe unë s'jam shumë i qartë, edhe presidenti s'është shumë i qartë si do të veprojmë", përfundoi ai.
Lexo gjithashtu
