Është mbyllur Skënderbeu 2-1 Bylis. Sfida e javës së 30 të Superligës vlente për zonën e mbijetesës, me korçarët që janë afruar vetëm tri pikë larg ballshiotëve që janë në zonën e ndeshjes shtesë.
Sfida ka qenë me dy fytyra në secilën pjesë. Në 45 minutëshin e parë, sfida ka qenë me mjaft raste, aty ku janë shënuar edhe tre gola. Do duhej Desancic që në të 34 minutë do hapte ndeshjen, duke kaluar miqtë në avantazh.
Për vetëm dy minuta, mes minutave të 42 dhe 44 Skënderbeu do përmbyste gjithçka me Vangjelin dhe Berishën, duke siguruar tri pikë. Pas 30 javësh, Bylis mban vendin e tetë me 29 pikë, ndërsa korçarët janë një vend më poshtë me 26 pikë.
Për Gol pas Goli, trajneri i Skënderbeut, Migen Memelli tha pas ndeshjes:
“Kranar për përmbysjen? Padiskutim, thatë diçka të drejtë. Edhe kur pësuam gjetëm forcat dhe energjitë për të kthyer rezultatin. Nuk dua ta etiketoj si debat por këndvështrim. Nëse do ecim në dy vijat paralele kemi edhe ne një penallti që kanë shtyrë Mensah. Dëgjova që Dovedan u ankua, nuk dua të bëj fare debat me kolegët. Në Ballsh topi doli korne dhe na e dhanë penallti. Ka edhe nga këto raste.
Në një ndeshje me presion gjetëm forcat që të kalonim në avantazh me përmbysje. Kjo fitore sot na jep qetësi që të ecim përpara. Lojtarët e mi meritojnë një dhejtë të madhe me yll. Kam parë në sytë e tyre një revoltë dhe kanë bërë dy faza të jashtëzakonshme për këto që kanë bërë në dy fazat tani.
Nëse do kapim planin takitk, donim të shkonim në sulm me lojë të rrjedhshme nga poshtë sepse e dinim që Bylis do mbyllej. Tensioni vërehej dhe kam kërkuar gjatë javës vetëm maksimumin pasi ishim të qartë për situatën, pas pësimit të golit prisja goditje psikologjike që nuk erdhi. Me fat që barazuam shpejt dhe kaluam më pas në avantazh. Goli I parë ka qenë një devijim që ndodh.
Luani me Kastriotin që humbi? Do ishte më mirë që Apolonia të ishte në lojë, në ndeshjen me Bylis fierakët ishin superior. Nuk e di ku do na çojnë llogaritë këto gjastë ndeshje që kanë mbetur. Duhet vlerësuar sfida e radhës me Kastriotin. Ata dhe ne jemi afër me Bylis. Çdo ndeshje këto gjashtë javë ka rëndësi”, tha Memelli.
Loading ...
