Klubi i Dinamos ka bërë me dije se ka hapur seleksionimet për skuadrat e moshave. Përmes një njoftimi në kanalin zyrtar, dinamovitët tregojnë se të hënën mirëpriten të gjithë ata që duan t’i bashkohen klubit 18 herë kampion të Shqipërisë.
Projekti është i qartë: Evidentimi i elementëve cilëorë dhe promovimi i tyre për t’i shërbyer në një të ardhme ekipit të parë. Në lajmërimin për mediet thuhej:
“Akademia Dinamo hap seleksionimet.
Pas një viti të suksesshëm që kulmoi me ringritjen e ekipeve U17 dhe U19 në Superiore, akademia dinamovite bëhet gati për sezonin e ri.
Ditën e Hënë, datë 8 Gusht në orën 19:30, ju mirëpresim në Qendrën Stërvitore të ekipeve kombëtare në Kamëz, nën drejtimin e një grupi trajnerësh profesionistë.
Numër kontakti:
U21 – 0694400661
U19 – 0693416449
U17 – 0696999002
Ju ftojmë të bëheni pjesë e akademisë Dinamovite, e cilësuar ndër vite si shkolla e futbollit në Shqipëri!”
