Vllaznia-Kukësi do të jetë sfida e javës së 23-të të Kategorisë Superiore. Sfida do të luhet ditën e hënë në “Loro Boriçi” me fillim nga ora 16:00, ndërsa trajneri Brdariç ka marrë lajme të mira nga lojtarët e dëmtuar. Fizioterapisti i skuadrës, Ilirajn Haxhaja në një prononcim për “Shkodra Sport”, është shprehur se Marku dhe Isaevksi janë rikuperuar nga dëmtimet dhe do të jenë gati ndaj Kukësit.
Marku dhe Isaevksi kanë kryer stërvitje ditën e sotme. Duhet maksimumi edhe një javë që të jenë në formën e tyre më të mirë. Do të jenë gati ndaj Kukësit, por mund ta nisin ndeshjen nga stoli dhe do të vendosë trajneri nëse do të luajnë apo jo”, u shpreh shkurtimisht Haxhaja.