Sokol Cikalleshi po kalon një formë shumë të mirë. Sulmuesi, në një prononcim të dhënë për “Zona Gol” në Supersport, është ka folur për tema të ndryshme, që nga kampionati shqiptar, e deri tek Kombëtarja, ku ka thënë se e ka një detyrim të jetë gati për fanellën kuqezi.
Cikalleshi është një nga lojtarët më të rëndësishëm të skuadrës së Akhsisaspor në Ligën e Dytë turke, ku së fundmi ka gjetur edhe një” raport” shumë të mirë me golin.
“Unë e ndjek çdo javë kampionatin shqiptar. Duke parë klasifikimin me skuadra që janë të përafërta them se do jetë kampionat i gjatë dhe i luftuar. Edhe derbi mes Galatasaray dhe Fenerbahce janë derbi me dyluftime të ashpëra. Siç pamë edhe Muriqin që u gjakos. Është bukur t’i shohësh skuadrat të luftojnë me njera – tjetrën por dyluftimet duhet të jenë brenda fushës jo jashtë fushës.
Golat? Ka qenë një nga ndeshjet më të vështira dhe mjaft e luftuar ajo e javës së fundit për mua në kampioant. Më vjen mirë që kam shënuar dy gola. Kam bërë tre ndeshje dhe nuk është e lehtë të shohësh nga Superliga, pasi çdo ekip mund të fitojë ndaj çdo kundërshtari dhe ndryshon gjithçka. Po kaloj një moment shumë të mirë pas një verë jo aq të mirë për mua pasi merkatoja ishte e hapur për mua. I
Isha jashtë ekipit dhe stërvitesha individualisht. Fokusin e kisha te ndeshjet e Kombëtares. Kam pasur bisedë me trajnerin dhe më tha nuk mund të luash me mua pa luajtur me ekipin. I thash që trajner ke të drejtë por unë jam duke u stërvitur dhe e ndiej veten shumë mirë. Ndaj doja që të arrija Kombëtaren. Duhet të pranojmë edhe në çfarë niveli kemi.
Që të kemi një psikologji të qetë duhet të luash në një ekpi të mirë si Reali apo Barça që të ndihesh mirë. Nuk është e lehtë të jesh i fortë në këto kushte. Në fund sulmuesi matet me statistika e jo thjesht me shtylla shtylla. Ka qenë detyrimi im që të isha gati për Kombëtaren”.
Loading ...
