Humbja e Partizanit me përmbysje ndaj Vllaznisë ka sjellë shumë trazira në kampin e kuq teksa i japin kështu një shans Tiranë të afrohet me vetëm një pikë diferencë. Loja shumë e dobët e të kuqve ra në sy të publikut dhe analistëve. Dy ish-futbollistë të Partizanit, Edmond Dosti dhe Skerdi Bejzade, të cilët japin shpeshherë opinionet e tyre në rrjete sociale, nuk kanë lënë pa komentuar edhe këtë ndeshje, në një postim të Dostit në rrjete sociale, ku fajet rëndojnë mbi trajnerin Colella sipas tyre.
“Unë kurrë në jetën time nuk kam folur kot. Nuk dua të bëj rrëmujë ju lutem, analiza është tek ju. PMTP”-shkruan Dosti në postimin e tij, ndërsa vjen edhe përgjigjja e Bejzades në koment.
“Isha në stadium, ndeshjen ja humbi trajneri Partizanit. Nuk kishte pse ta ndërronte Telushin edhe mbrojtësin e majtë pas 1 me 0. Kurse ai Hoti, nga 15 topa që kapi i humbi të 15. Nuk e di si e mbante në fushë akoma.”-tregon Bejzade.
