Futbolli në Shqipëri është në udhë të mbarë për të rinisur sezonin në fillimin e muajit qershor, ndërsa është Dinamo që ka konfirmuar se nesër në orën 10:00, nën drejtimin e italianit Cammarata do të zbresin në fushë pas dy muajsh.
Përgatitjet do të zhvillohen në Pezë, ndërsa nga njoftimi i klubit mbetet të kuptohet se stërvitja do të jetë në grup dhe jo individuale. Skuadrat duhet të respektojnë rregullat higjieno-sanitare, ndërsa kusht për rinisjen është dizinfektimi i ambienteve sportive dhe atyre të zhveshjes.
Njoftimi i Dinamos:
Dinamovitët nën drejtimin e trajnerit Fabrizio Cammarata, rinisin përgatitjet për vazhdimin e kampionatit të ndërprerë nga situata e krijuar prej Covid-19.
Pas më shumë se dy muajsh, 18 herë kampionët e vendit do të zbresin në fushën e Pezës nesër në orën 10:00.
Lexo gjithashtu
