Dinamo prezantoi trajnerin e ri Rodolfo Vanoli. 59 vjeçari italian ka një detyrë të vështirë, për të shpëtuar Blutë nga rënia një kategori më poshtë. Të ndodhur në vendin e parafundit, Blutë rrezikojnë seriozisht qëndimin, ndërsa kanë 11 finale.
Pjesë e konferencës për shtyp ishte edhe drejtori i përgjithshëm, Ermal Barushi. Në fjalën e tij, Barushi tregoi se klubi po mbyll një investim 4 milionë euro, që përkon me kompleksin Internacional në Pezë-Helmës.
“Dinamo ka qenë mbretëresha e kampionatit shqiptar sa i takon lojtarëve. Grupi duke qenë i ri dhe nuk është bërë bashkë. Si strukturë jemi para. Klubet në Shqipëri nëse janë sipër, kanë klubet poshtë. Ne jemi ndryshe. Për pak muaj mbyllim një investim që kalon vlerën 4 milionë euro”, tha Barushi.
Loading ...
