Gëzim Krasniqi mbylli aventurën me Egnatian, me ish-kapitenin që tanimë kërkon një tjetër skuadër për aventurën e re në futbollin shqiptar. 32 vjeçari për dy sezone ishte pjesë e rrogozhinasve, duke dhënë kontribut për ngjitjen dhe qëndrimin e tyre në Superligë.
Duket se Dinamo ka kontaktuar lojtarin, me këtë të fundit që nuk ka vendosur ende se ku do luajë sezonin që vjen. I dalë nga Besa e Kavajës, Krasniqi shkëlqeu me Kukësin nga 2018-2020, teksa më herët ka luajtur edhe me Partizanin, Flamurtarin apo edhe Rabotnickin në Maqedoninë e Veriut.
Me 199 ndeshje në Superligë, Krasniqi është një njohës i mirë i futbollit shqiptar, teksa jo më kot ka luajtur me skuadra me emër në vend.
