Duke nisur që prej ditës së sotme, Dinamo nuk do të ketë një prej futbollistë me mjaft eksperiencë në gjirin e saj. Arjan Shetaj ka vendosur të largohet nga skuadra historike e kryeqytetit, duke lënë pas eksperiencën një vjeçare me klubin.
Ish-mbrojtësi i Partizanit, Tiranës, Teutës dhe Laçit largohet nga dinamovitët, teksa besohet se ka arritur akordin me një tjetër klub të Kategorisë së Parë. Bëhet fjalë për Besëlidhjen, që duket se ka kënaqur kushtet financiare të kërkuara nga 38 vjeçari.
Qendërmbrojtësi i cili ka zhvilluar edhe një takim me kombëtaren shqiptare ka edhe eksperienca të tjera jashtë vendit si me Kallitha dhe Ayla Napa. Kjo lëvizje pritet të sjellë freski në skuadrën lezhjane, e cila synon ngjitjen në elitë sezonin e ardhshëm.
Loading ...
