Dinamo huazon portierin e Tiranës për një sezon

Dinamo siguron portën për sezonin e ri. “Blutë” e kryeqytetit kanë afruar së fundmi portierin e ri të talentuar të Tiranës, Marsel Çakën.

Burime nga klubi dinamovit bëjnë me dije për newsport.al, se 20-vjeçari është huazuar për një sezon te skuadra që drejtohet nga trajneri Allmuça. Kjo do të jetë edhe një mundësi për Çakën për të marrë më shumë eksperiencë duke qenë se për momentin bardheblutë kanë në dispozicion Ilion Likën dhe Edvan Bakajn.