Dinamo prej një jave është në fazën përgatitore në Pogradec. Blutë sezonin që vjen do luajnë në Kategorinë e Parë, ndërsa stafi teknik ka sigluar edhe miqësoret që do zhvillohen këtë periudhë.
Nesër Dinamo luan miqësoren kundër Partizanit në qytetin liqenor (17:30). Përpara ndeshjes derbi, “Nëndetësja” është përforcuar me dy emra të rëndësishëm.
Në trajnime janë bashkuar ish-kapiteni i Egnatias, Ilir Allmuça dhe ish-mesfushori i Erzenit, Ersil Ymeri. Dyshja është vendosur në dispozicion të trajnerit, duke qenë afrime me peshë për sezonin e ri në të Parën.
