Dështon faza përgatitore, ja çfarë i “rrëshqet” drejtuesve të kuq

Partizani ndodhet në Itali në një fazë përgatitore, në kuadër të përgatitjeve për kupat e Europës. Skuadra ka disa ditë, që nën urdhrat e Klevis Dalipit po kryen stërvitje intensive. Por një “dështim” i drejtuesve të kuq, është mungesa e ndeshjeve miqësore të paplanifikuara  nga “demat”. Skuadra e Partizanit ka luajtur vetëm një ndeshje miqësore, edhe ajo me grumbullimet e lojtarëve më të mirë të dy skuadrave të serisë D italiane, ku arritën të triumfojnë me një rezultat bindës 4-0. Megjithatë vetëm një miqësore, duket shumë pak për një skuadër që ka pretendime në kupat e Europës, dhe për më tepër me skuadër e kategorisë inferiore në Itali.