Victor Osimhen është një nga emrat më të kërkuar në këtë merkato vere, me shumë skuadra që duan shërbimet e bomberit të Napolit, Megjithatë, sulmuesi duket shumë i qetë dhe nuk do të nxitojë për të ardhmen e tij.
Në një intervistë të tij për radio “Ëazobia”, Osimhen nuk ka preferuar të flasë për të ardhmen e tij, por ka kujtuar edhe një herë dëmtimin horror që pësoi sezonin e shkuar, në sfidën kundër Interit.
23-vjeçari pati një përplasje të frikshme me mbrojtësin e zikaltërve Milan Skriniar dhe pësoi shumë fraktura në kokë, duke humbur dhe ndjenjat për pak sekonda. Osimhen e konsideroi këtë moment si një vdekje e parakohshme.
“Ishte si një vdekje e parakohshme, kur mbërrita në spital i thashë kirurgut se duhet të kthehesha të luaja brenda dy javësh, por kisha pësuar shumë fraktura.
Kisha rreth 18 vida në maskën që mbaja. Nuk arrija të flija ose të haja për shkak të dhimbjes që ndjeja. U detyrova të shtrëngoja dhëmbët dhe dhashë gjithçka kisha për t’u rikthyer në fushë”, u shpreh Osimen.