Katar 2022
Sopoti para disa ditëve deklaroi se do të bojkotonte kampionatin për shkak të situatës së vështirë financiare në të cilën gjendej. Lojtarët nuk ishin paguar nga bashkia, por ndërkohë theksonin se dhe arbitrimi ishte kundër tyre. Megjithatë duket se situata ka ndryshuar. Përmes një postimi në faqen zyrtare në facebook, klubi librazhdiot ka publikuar foto nga seanca e sotme e drejtuar nga Bekim Kuli. Ndërsa në diçiturë shkruan: “Të bashkuar mund t’ia dalim”.
Sopoti luan në fundjavë kundër Dinamos, një ndeshje që do të vendosë për fatet e të dyjave skuadrave të cilat kërkojnë mbijetesën në Kategorinë e Parë. Dinamo gjendet në vendin e tetë me 18 pikë, ndërsa Sopoti në të nëntin me 16 pikë.
