Kategoria e Parë e futbollit do të zhvillojë në fundjavë sfidat deçizive të play-off dhe play-out, në të cilat do vendosen fatet e sezonit. Lushnja pret në “Roza Haxhiu” Apoloninë e vendit të parë, ndërsa lagunarët shpresojnë te ngushtimi i distancës me 5 pikë.
Lushnja kërkon që në këtë duel të sigurojë vendin e dytë që mban aktualisht, edhe pse Pogradeci është vetëm 2 pikë pas. Për verdhjeshilët e Ilir Gjylës nuk është e mirë situata e mungesave, pasi plot tre titullarë do të mungojnë në derbi. Canka, Mezini dhe Baze kanë plotësuar numrin katër të kartonave, duke qenë një humbje e madhe për Lushnjën.