Shkëlzen Gashi është shpallur fitues i çmimit “MLS Soshies” në kampionatin amerikan të futbollit. Ky çmim i jepet nga federata amerikane futbollistit më popullor në rrjetet sociale, që tërheq më tepër vëmendje nga tifozët sa herë që zhvillohen sondazhe, apo edhe me fotografitë dhe videot që publikojnë. Gashi ishte në garë edhe me yje të tjerë të futbollit amerikan, si David Villa, Didier Drogba, Sebastian Giovinco etj, mirëpo arriti të trimfojë në fund.
Sulmuesi është fitues edhe i çmimeve të tjera në Amerikë, si “Goli më i bukur i vitit” në gjithë kampionatin amerikan, por edhe “Këpuca e artë” dhe “Lojtari i preferuar i tifozëve” në klubin e tij Colorado Rapids.
