Situata në Itali është e rëndë, e këtë e thonë shifrat. Një nga shqiptarët e shumtë që janë në shtetin fqinjë është Erjon Bogdani. Ish-futbollisti i Kombëtares ka folur për “Abc News”, e ka rrëfyer pak fragmente nga ajo çfarë po ndodh në Itali. Edhe pse është e vështirë të shprehet me fjalë, Bogdani përpiqet të thojë diçka.
“Duhet të mposhtim virusin që po merr jetë njerëzish. Një mision i vështirë është rifillimi i kampionatit. Ne po bëjmë diçka të mirë, po rrijmë me fëmijët. Kam një djal 10 vjeçar dhe një vajzë që është tetë muajshe.
Gjithçka është bllokuar nga virusi. Para se të ndodhte kjo gjë, kam pasur disa diskutime rreth të ardhmes time si trajner” – shprehet Bogdani.