Champions League/ Formacion me dy sulmuesë, risia e të kuqve

Partizani do të luajë ndeshjen e nesërme me Ferencvaroshin, takim i vlefshëm për raundin e dytë eliminator të Champions League. Një emër i madh ky për të kuqtë e kryeqytetit, por që trajnerin Sormani nuk e tremb aspak. Italiani mund të hedhë nesër që nga minuta e parë në fushën e lojës dy sulmuesit e afruar së fundmi te skuadra kryeqytetase, Ekuban dhe Volas. Dy sulmuesë me CV të pasur, por takimi i nesërm do të tregojë se sa vlejnë të dy ata lojtarë. Ka shumë vite që “demat” jemi mësuar t’i shohim teksa luajnë me një sulmues, por mesa duket tekniku i ri italian do të vendosë të ketë një formacion sulmues, ku do të pretendojë të triumfojë.