Totenhem ka ndalur serinë e fitoreve radhazi të Çelsit, 13 të tilla në Premier Ligë, duke mposhtur ekipin e Kontes me rezultatin 2-0 në “White Hart Lane”.
Dele Ali ishte autori i dy golave për Totenhem, ndërsa “blutë” e Londrës humbasin derbin, por edhe shansin për të arritur rekordin e Arsenalit.
“Topçinjtë” mbajnë rekordin e 14 fitoreve radhazi në Premier Ligë të vendosur në 2002-shin. Me këtë sukses shumë të rëndësishme për objektivat e veta, Totenhem i ka bërë një nder edhe rivalit më të urryer, Arsenalit, duke ndalur “vrullin” e Çelsit që kërcënonte ekipin e Vengerit në këtë rekord.
Gjithsesi, Çelsi gjendet në vendin e parë në renditje, me 49 pikë, 5 më shumë se Liverpuli i vendit të dytë dhe 7 më tepër se Totenhem i vendit të tretë.
Lexo gjithashtu
