Apolonia u mund 1-0 nga Partizani, në Elbasan Arena, në ndeshjen e vlefshme për Superioren. Menjëherë pas takimit, për mediet ka folur trajneri i fierakëve, Cammarata. Ai thotë se djemtë bënë gjithçka, pavarësisht se në fund dolën me duart bosh. Sa i përket objektivit mbijetesë, mbetet pothuajse i pamundur për t'u arritur, por "timonieri" nuk dorëzohet.
"Lojtarët kanë bërë gjithçka deri në fund. Partizani është një ekip me kualitete. Bëmë një pjesë të parë të mirë. Në të dytën, ata insistuan, derisa shënuan. Deri diku është e vështirë mbijetesa, por do provojmë deri në fund. Lojtarët meritojnë shumë, ndaj do tentojmë deri në fund. E dijmë që do jetë një mision i vështirë. Unë jam mësuar kështu, pra që ti them lojtarëve që të dalin në fushë me besim, duhet të dalin me fanella të djersitura nga fusha e lojës. Nuk di të bëj ndryshe" - tha ai.
Lexo gjithashtu
