Bylis ka nisur të lëvizë në merkaton e janarit. Sipas një njoftimi në faqen zyrtare të klubit ballshiot në Facebook, katër lojtarë të Superligës janë në bisedime për të qenë pjesë e skuadrës që renditet e dyta në Grupin B të Kategorisë së Parë.
Emrat nuk bëhen të ditur, por Bylisi është në kontakte me një portier, dy mbrojtës dhe një sulmues.
Pritet që në të ditët në vijim të mësohet se cilët do të jenë futbollistët që do të përforcojnë ekipin ballshiot, ndërsa për sa i përket mbrojtësit Bilali, nëse nuk do të shitet, ai do të qëndrojë te Bylisi.