Ilir Daja ka folur pas fitores 1-0 në transfertë kundër Teutës. Trajneri i Partizanit deklaroi për mikrofonin e Supersport:
“Sigurisht që të luash një ndeshje për të mos humbur trenin e fundit, sepse kemi dhe dy ndeshje të tjera. Sot kemi arritur një objektiv që jemi në Europë. Nuk kënaqemi me këtë. Gjitha këto bëjnë që tensioni të jetë prezent sepse ishim me Teutën që nuk e kishim mundur dhe nuk na kishte mundur. Teuta bëri një fillim të vrullshëm, por ekipi kishte probleme. Mos të them dhe ndonjë gjë tjetër pastaj, por po rri te këto. Nuk i kthej asnjëherë në presing difensiv. E kërkoj ekipin të jetë sipër. Detyrohesh ndonjëherë nga kundërshtari. Nëse kthehesh në gjysmëfushën tonë kemi një tjetër manovër tjetër për të bërë. Ishte e arsyeshme, ajo që na kënaq është fitorja ndaj një ekipi si Teuta.
Rron Broja spektakolar? Në dy seancat e fundit kemi pasur probleme me Junior dhe me Brojën. Por fatmirësisht Broja kishte një kontrakture që e lejoi sot të ishte pjesë e ekipit. Kur Teuta kaloi në pjesën e dytë me dy sulmues, pozicioni i tij para mbrojtjes ishte shumë i rëndësishëm. Në pjesën e dytë mund të kishim shënuar më shumë sepse kishim 4-5 raste me portierin. Por, gjithçka kur ekipi luan si sot, pavarësisht se nuk kishte spektakël sot, por dëshira e madhe e futbollistëve, na çoi sot te marrja e 3 pikëshit. Këto 3 pikë i shkojnë sot futbollistëve. Kishim pak alternativa sot në stol.
Sulmuesit? Duhet të nisemin nga një pikë vështrimi tjetër. Edhe Asani, edhe Junior, edhe Çinari kanë punuar shumë në fazën e mbrojtjes. Kur shkon para porte, qetësinë nuk e ke të duhurën. E rëndësishme është që shkuam në momentin e duhur te fitorja kundër Teutës.
Revolta? Ndonjëherë edhe ne e kalojmë cakun sepse presioni është i madh kur kërkon objektiva maksimalë. Ajo ishte një shfryrje për mënyrën se si po e interpretonim pjesën e parë dhe pak për një gjë tjetër. Nuk e thashë për gjyqtarin.
90 minuta larg titullit? Ndeshja me Vllazninë është shumë e rëndësishme sepse është e parafundit. Nuk besoj se do ta kemi të lehtë në Ballsh. Të fokusohemi te 90 minutat me Vllazninë dhe pastaj të shohim Bylisin”, përfundoi ai.
Loading ...
