Enea Jorgji
Turqia do të luajë mbrëmjen e sotme kundër Islandës sfidën e vlefshme për raundin e dytë të Ligës së Kombeve. Ndeshja që do të zhvillohet në stadiumin “Gürsel Aksel” në Izmir, do të startojë në orën 20:45.
Tashmë UEFA ka vendosur edhe për arbitrat e kësaj ndeshje, kur rolin e kryesorit do ta mbajë Enea Jorgji. Gjyqtari shqiptar do të vendosë drejtësi në këtë sfidë mjaft interesante.
Ndërkohë që asistentët e tij do të jenë Denis Rexha dhe Ridiger Çokaj, ndërsa arbitër i katërt është emëruar Eldorjan Hamiti.
Në dhomën e VAR-it, në ndihmë të Jorgjit do të vijë Luca Pairetto. Ndërsa, asistent i italianit do të jetë arbitri tjetër shqiptar, Kreshnik Barjamaj. Pra, plot 5 arbitra shqiptarë janë pjesë e sfidës Turqi – Islandë.
Poll
Lexo gjithashtu
