Mbrëmjen e sotme sigurisht që gjithë vëmendja e tifozëve shqiptarë do të jetë te sfida e “Air Albania” mes Shqipërisë dhe Çekisë, përballje kjo që do të startojë në orën 20:45. Por jo vetëm kaq, pasi tifozët shqiptarë do të mbajnë një sy edhe nga dueli i rivalëve të Kombëtares tonë.
Gjithçka ditën e sotme nis me sfidën mes Azerbajxhianit dhe Erstonisë Ndërkohë në orën 18:00 në fushë do të përballen mes tyre Gjeorgjia dhe Ukrainë, një sfidë e cila është shumë e rëndësishme për ekipet, teksa rezultati i saj ndikon edhe në rrugëtimin e kuqezinjve tanë. Paralelisht me këtë sfidë luhet edhe Mali i Zi – Islandë, Andora – Moldavi dhe Turqi – Uells.
Ndërkohë paralelisht me duelin e “Air Albanias” luhen të tjera sfida. Gjermani pret në shtëpi Bosnje Hercegovinën, Holanda sfidohet me Hungarinë dhe dueli i fundit i mbrëmjes së sotme është mes Suedisë dhe Sllovakisë po në orën 20:45.
