Zvicra ka një përballje që kërkon impenjim maksimal kundër Spanjës. Në fushë mund të kenë shansin 2 shqiptarë t’i bashkohen kapitenit Xhaka, por një tjetër e ka të sigurtë humbjen e kësaj supersfide.
Ardon Jashari do të mungojë kundër “iberikëve” dhe kjo është e sigurtë. Njoftimin se lojtari shqiptar do të mbetë jashtë listës së futbollistëve erdhi vetë nga Federata e Futbollit Zvicerian.
Jashari ka pasur komplikacione për efekt të gripit. Kjo e ka detyruar që të mos udhëtojë për në ishullin e Tenerifes, ku luhet takimi me spanjollët.
Shqiptari duket se është sëmurur pasi në skuadrën helvete ka rënë një grip i stinës. Edhe trajneri i kombëtares së Zvicrës kishte shenja dhe u detyrua të mungonte në konferencën para mediave.
Pas barazimit me serbët, Zvicra kërkon një rezultat pozitiv me Spanjën për t’a mbyllur disi kënaqshëm edicionin e sivjetshëm.
