Mungesa e “Goal Line Technology”, është kthyer në një nga temat më të nxehta të diskutimit në ditët e fundit në futbollin spanjoll. I gjithë ky debat ka nisur, pas atij goli ‘fantazmë’ të shënuar nga Lamine Yaman në “El Clasico” përballë Real Madrid.
Pikërisht për mungesën e kësaj teknologjie, ka folur vetë presidenti i La Liga-s, Javier Tebas, i cili shpjegon arsyet se përse nuk përdoret diçka e tillë në kampionatin spanjoll të futbollit.
“Nuk është një teknologji e përsosur dhe kjo është arsyeja e parë. Por nuk është vetëm kjo. Gjatë gjithë sezonit, gola të tillë ndodhin 3-4 herë dhe përveç se kjo teknologji nuk është perfekte, vlera është shumë e lartë për ta përdorur. Të paguash 8 milionë euro për hiçgjë, më duket një shpenzim jo i zgjuar”, është shprehur Javier Tebas.
Lexo gjithashtu
