Hamdi Salihi e nis në mënyrën më të mirë të mundshme sezonin e ri. Dy gola për “bomberin” shkodran që i jep tri pikët e para Skënderbeut që në start.
Kundër Flamurtarit dje në Korçë, Salihi ishte protagonist absolut, ndërsa pas sfidës, sulmuesi u shpreh: “Ishte një sukses i rëndësishëm që na çliron shumë. Kundër Flamurtarit ishte një ndeshje e vështirë. Tashmë duhet të vazhdojmë në këtë rrugë. Golat ua dedikoj tifozëve të Skënderbeut”, u shpreh Salili për “Sport Ekspres”, ndërsa foli edhe për dëmtimin e Tefik Osmanit: “Jemi të gjithë pranë tij. Dëmtimi i Osmanit ishte nota negative e kësaj përballjeje”, deklaroi sulmuesi shkodran i Skënderbeut.