Karriera në futboll nuk varet vetëm nga paraqitjet në fushë. Janë edhe faktorë të tjerë të jashtëm apo vendime të gabuara që ndikojnë në ecurinë e një lojtari apo ekipi. Kështu ka ndodhur edhe me formacionin që prestigjozja “Blick” ka prezantuar. Zviceranët kanë prezantuar një njëmbëdhjetëshe që është në kërkim të një ekipi për të luajtur, pasi siç shprehen ata “kanë mbetur pa punë”.
Bëhet fjalë edhe për tre shqiptrar që më herët janë aktivizuar në kampionatin helvet. Arlind Ajeti, Valon Behrami dhe Shkëlzen Gashi janë pjesë e “të papunëve” që “Blick” ka përzgjedhur. Ajeti dhe Gashi kanë qenë pjesë edhe e kuqezinjve, në atë kohë me trajner De Biasin, ndërsa Behrami zgjodhi të përfaqësojë Zvicrën.
Arlind Ajeti nuk po kalon kohë të mira në karrierë, me Grasshopers që ra nga kategoria kur ai ishte pjesë e ekipit. Behrami kaloi një situatë jo të mirë me Sion, duke u “divorcuar” me të kuqtë e Zvicrës. Shkëlzen Gashi duket se e ka mbyllur aventurën në USA dhe do të rikthehet në Zvicër, fakt që përforcohet nga publikimi i fundit i të përditshmes “Blick”. Duhet të presim për të parë se cilën skuadër do të zgjedhin tre shqiptarët që nuk janë të lidhur me asnjë skuadër.
Loading ...
