Bledi Shkëmbi ka folur pas barazimit që Skënderbeu arriti kundër Kukësit. Ish kapiteni i kampionëve të Shqipërisë deklaroi për mikrofonin e Supersport:
"Po shoh një Skënderbe që kënaqet shpejt me një gol, por ka harruar se edhe kundërshtarët luajnë futboll. Skënderbeu nuk bëri atë që bënte gjithmonë më parë, shënonte edhe golin e dytë. Shpresoj dhe duhet ta harrojnë shpejt këtë ndeshje. Mendoj që Skënderbeu e nisi keq lojën deri në shënimin e golit të Latifit që ishte për aftësi personale të tij. Kukësi në 10 minutat e para pati dy raste për shënim. Goli i Latifit ishte mjaft i mirë, dhe besoj që nuk do ta bënte ndonjë lojtar tjetër atë rast. Orelesi ishte dobët dhe në asnjë moment nuk u ngjit në atë lartësi që të gjithë prisnim. Të njëjtën gjë mund të them edhe për Predeskun, i cili ishte në hije për gjatë gjithë 90 minutave. Lojtarët e stolit nuk dhanë atë që presin të gjithë. Me sa mbaj mend unë është hera e parë që Skënderbeu merr në 3 ndeshje 3 pikë. Jam i bindur që Skënderbeu nuk ka hequr dorë nga titulli, por jam i bindur që do të luftojë edhe më i fortë", përfundoi Shkëmbi.
Lexo gjithashtu
