Vllaznia do të luajë nesër kundër Bylisit në transfertë në kuadër të javës së 18-të të Superiores. Kjo sfidë do të zhvillohet në orën 13:00 në stadiumin “Adush Muça”. Interesi është i madh për titullarët që do të hedhë në fushë trajneri Mirel Josa.
Skuadra shkodrane po shkëlqen në fushën e blertë dhe tashmë optimizmi për titullin kampion është i madh. Afrimi i Bekim Balajt ka shtuar më shumë dozat e gëzimit dhe pikërisht për sulmuesin Josa ka vendosur që mos ta hedhë në fushë nga minuta e parë.
Edhe në Ballsh sulmi do t’i besohet Kainës, që do të mbështetet nga Mala dhe Hoxhaj. Më poshtë njihuni me formacionin e mundshëm të Vllaznisë kundër mallakastriotëve.
VLLAZNIA: Zogoviç, Smajli, Gurishta, Juriç, Hakaj, Jonuzi, Alivoda, Marku, Mala, Kaina, Hoxhaj
Loading ...
